سەردانی پەرلەمانی نەرویج
ئەمڕۆ ڕۆژی پێج شەممە، ڕێککەوتی ١٩-١٢-٢٠٢٤ لەسەر بانگهێشتی پارتی چەپی سۆشیالیستی نەرویج سەردانی پەرلەمانی نەرویجمان کرد لەگەڵ بەڕێز ( ئەدنریاس شالگ ئۆنەلاند) ئەندامی پەرلەمان لە لێژنەی یاسایی و ئەندامی گروپی دۆستی کورد لە پەرلەمانی نەرویج، وە بەڕیز ڕزگار هۆڕێنی، ئەندامی بەڕێوەبەری ئۆسلۆی پارتی چەپی سۆشیالیسیت نەرویج و ئەندام لە گروپی پەرلەمانی دۆستی کورد لە پەرلەمانی نەریج کۆبووینەوە.
ڕێکخراوی دادپەروەری و ئاشتی جیهانی بۆ مافەکانی مرۆڤ و یاسای نێودەوڵەتی.
ڕەوەندی کوردی لە شاری درامن- نەرویج، وە کۆمەڵەی کلتوری کوردی-نێرگز لە شاری درامن-ووڵاتی نەرویج.
نوێنەرەکانمان پێکهاتبوون لە:
بەڕێز کاك (شۆڕش جەلال باواجی) – سەرۆکی کۆمەڵەی کلتوری کوردی نێرگز لە شاری درامن، وە بەرپرسی ڕەوەندی کوردی لە وڵاتی نەرویج.
خوشکی بەڕێز (مەعسومە سەعید محەمەد) – نوێنەری ڕێکخراو.
(مامۆستا محسن محەمەد عەبدوڵا)- سەرۆکی ڕێکخراوی دادپەروەری و ئاشتی جیهانی بۆ مافەکانی مرۆڤ و یاسای نێودەوڵەتی.
بانگهێشتنەکە بریتی بوو بۆ تاووتوێ کردنی پرسی زۆر گەنگ لە ڕۆژهەڵاتی ناوەڕاست و پرسی کوردستانی رۆژئاوا، وە چۆنیەتی پاراستینی خەڵکی سیڤیلی ناوچەکە و چەسپاندنی دادپەروەری و ئاشتی بۆ گەلانی ناوچەکە و زۆر بابەتی تر.
هەر لە میانی سەردانەکە لەلایەن بەڕێز(ئەندریاس شاڵگ ئوونەلاند) ئەندامی پەرلەمانی پارتی چەپی سۆسیالیستی نەرویجی پێشوازیەکی گەرممان لێکرا.
هەروەها یەکێك لە پرسە هەرە گرنگەکانی بابەتەکە پرسی پاراستنی کوردستانی ڕۆژئاوا بوو، وە مەترسیەکانی سەر ڕۆژئاوای کوردستان و پاراستنی خەڵکی سیڤیلی ناوچەکە و پاراستنیان لە هێرشی چەتە چەکدارەکانی سەر بە بەرەی نوسڕە، قاعیدە، تەحریری شام و داعش و چەتەکانی تری سەربە دەوڵەتی فاشیستی تورکیا.
هەروەها لەگەڵ چەندین پێشنیاری تر کە پەیوەستبوون بە مافەکانی مرۆڤ.
هەر لەسەرهەمان بابەت بەڕێز محسن محمد عەبدوڵا نوێنەری سەرۆکی ڕێکخراوی مافی مرۆڤ بە نووسراوێکی فەرمی پێشنیارێکی بە سێ زمان(کوردی، عەرەبی، نەرویجی) ئاڕاستەی پەرلەمانی نەرویج یج کرد، یەکێك لە پێشنیارە گرنگەکانی بەڕێزیان ئەوەبوو، دابینکردنی ناوچەی دژەفڕین لە ڕۆژئاوای کوردستان.
لەو سەردانەدا بەڕێز( ئەندریاس شاڵگ ئووننەلاند) بەگەرمی پێشوازی لە نوێنەرەکان کرد و سەردانەکەی بەرز نرخاند. لەکۆتایی چاووپێکەوتنەکەدا لەلایەن نوێنەرەکان چەپکە گوڵێك و سووپاسنامەیەك پێشکەشی بەڕێزیان کرا.
This post is also available in: 
عه‌ره‌بی
